منتدى قلوب منسيه
أهلآ وسهلآ بكم في منتدنا

كور من نار؟؟؟

استعرض الموضوع السابق استعرض الموضوع التالي اذهب الى الأسفل

كور من نار؟؟؟

مُساهمة  الضمير الراجي في الخميس فبراير 17, 2011 5:42 pm




السلام عليكم ورحمة الله وبركاته

شوفوا معاي هالقصه الحقيقيه وترى ابطالها حقيقيين



واسمائهم حقيقيه


نبتدي
( القصه ع لسان صديقة بطلة القصه )


________


حصه/ هي بطلة هالقصه كان مقرر

زواجها بـ 29 /1 / 2010 لكن قدر الله وماشاء فعل


حصه بنت طيبه بكل معنى الكلمه ومحبوبه حييل من كل اللي حواليها


من الاهل والاصدقاء وفوق هذا جميله لكنها ماتتبهى بهالجمال بالمره


وماشيه ع النيه ..


حصه تعشق شي اسمه ( نت ) وتقريبا يومها كله يروح بالقعده ورى هالكومبيوتر


وماشاءالله عليها بكل موقع تدخله تتميز وتاخذ رتبه


تقريبا كل الرتب اخذتها مشرفه مراقبة اقسام مراقبه عامه وحتى الاداره باللي باللون ( الاحمر )


وهي ماشاءالله شعلة نشاط بكل هالمواقع ( لكن ) فيه منتدى من هالمنتديات تحبه بشكل جنوني

وناقعه فيه ليل و نهار ومحبوبه من الكل فيه


ولانها متميزه بشغله بهالمنتدى محد تميز فيها الا هي .....؟؟
المهم مستمره هالبنت ومدهره بتلبية طلبات الاعضاء اللي ماتنتهي وتفرح لما يثنون عليها


بهالشغله اللي تسويها وع هالحال لمدة سنتين لاتكل ولا تمل


وطبعا ادارة هالمنتدى ماتقصر بمنحها الاوسمه والتشجيع المستمر


اللي يخليها تناقز من الفرحه وتعطي اكثر ..


المهم هالبنت تقرر زواجها بالتاريخ المذكور اعلاهـ ..


وبدت تحضر لزواجها وهي فرحانه لان اللي بيتزوجها ولد خالتها وهو شاب كل الصفاة الحلوهـ فيه

وهي معجبه فيه حييل


المهم حضرت كل شي وفي كل روحه لها للتسوق تاخذ اعز صديقاتها وهم وحدهـ إسمها ريم


مع امها واختها


خلصت كل تجهيزاتها للزواج وحتى فستان الزواج اصبح عندها بالبيت لانه كان تصميم خاص


لها وغالي مرررة


وكل يوم لازم تطل ع هالفستان >> وصرعت صديقاتها فيه دوختهم لدرجة


وحده من صديقاتها قالت لها لعنبو ابليسك ليش تحسسيني انك عانس


وماصدقتي تتزوجين وجع اركدي


ع العموم قرب زواجها وقبل الزواج بإسبوع فقط ..؟؟
اقعدت من النوم وهي تصارخ وتبكي بشكل هستيري وكانت الساعه (2) الصبح


وكان اصراخها عالي وعلى وصف اختها كان اصراخ مرعب وكأنها ( ملبوسه )


استمرت بـ الصراخ وامها وابوها واختها وزوجة اخوها يحاولون يسكتونها ويهدونها


لكنها مستمره بشكل مخيف


وكان ابوها يقول يابنت اهدي واقصري الصوت العالم الفجر لاتفضحينا


وهي مستمره راحت اختها وكلمت اخوها اللي كان مداوم وقالت له السالفه


وطبعا ترك شغله وجاء وهو مخترع من الوضع


لما وصل اخوها وشاف شكلها الغريب بسرعه طلع من البيت وراح لإمام المسجد والامام معروف انه دايمن يقرأ ع الناس


اللي كان يقيم بغرفه بالمسجد وجابه للبيت دخل الامام وشاف منظر البيت


فقرب منها وبدأ يقرأ القرأن وكانت امها ماسكتها وترش عليها من الماي اللي مقري فيه


وتغسل وجها


بعد لحظه هدت البنت وبدت تبكي بحرقه وتقول خلاص معاد ابي اتزوج خلاص


هالزواج مافيه خير لي ولكم


فـ استغرب الجميع من كلامها وقالت اختها زواجك بعد اسبوع بس


قالت ولو ماراح اتزوج سألها الامام ليه يابنتي استهدي بالله وقولي لنا شو إللي خلاك تقولين هالكلام وتتخذين هالقرار المفاجىء للجميع ...


قالت


شفت شي بمنامي خلاني اتخذ هالقرار


شفت اني لابسه ثوب زواجي وكنت بصالة الافراح وامشي بين الحضور


وكنت فرحانه بس كنت احس الارض اللي تحتي مو مستويه وبغيت اطيح اكثر من مره


بس كنت اتماسك قدام الناس علشان الفشله ..


وصلت الكوشه وجلست بإنتظار العريس ولما وصل وبدأ يسلم ع خواته وامه


وجاء وجلس جنبي وكنت منبهره فيه واتباهى بوجوده جنبي لانه امنية كثير من بنات الاقارب


المهم جاء وقت تقطيع الكيكه ووقفنا ننتظر الكيكه ولما جابوها العاملين عليها


كانت مغطاهـ بغطاء حلو ومبهر فقلت لاقرب الناس لي اختي وصديقاتي المقربات


انتوا بالذات بذوقكم منها تعالو جنبي


وهنا اكشفوا عن الكيكه ولا هي كوره من نار حرارت لهبها يصلي الوجه ونور اضاءتها يعمي العيون


صرخوا الناس وانا استغربت وكنت راح ابتعد عنها لكن امسكتني صديقتي ريم وقالت تعالي قصيها ياحصه ليش خايفه

قلت لها بس هذي نار قالت عادي


الكيك متعدد الاشكال بس طعمه حلو ولاتنسين انك انتي بنفسك اللي طلبتيها بهالشكل


قلت لها بكل استغراب متى ياريم وربي ماطلبتها تكون بـ هذا الشكل


قالت ريم امبلا ياحصه انتي طلبتيها وانا حذرتك من هالشكل وانتي صميتي اذونك عني


استغربت من كلام ريم واخذت السكين وانا احس اني مغصوبه قطعت اول قطعه


واخذتها بيدي وكنت راح اعطيها زوجي لكن مالقيته التفت ادوره مالقيته فـ عطيتها


ريم قالت شكرا ماابيها فـ مديتها لـ وحده اعرفها فـ امسكتها لكنها احرقتها يدها ورمتها


وهي تتألم ولما ناظرت للناس للي وراها لقيت طابور من الناس كلهم مادين ايديهم

فـ فرحت قلت غريبه حبوها رغم انها تحرق وبديت اقطع لهم وياخذونها وهم ياخذون بس يتألمون من حرارتها


بعدها تعبت وانا اقطع والكيكه كل مانقصت زادت مره ثانيه والطوابير


تزيد واللي يبون منها يزيدون وضليت ع هالحال ساعات طويله ومن التعب كنت ابكي


انهكت ع الاخر وكل ماجات عيني بعين ريم بكيت اكثر وهي كانت تمسح دموعها


صرخت وقلت ياريم تعبت متى تخلص هالكيكه قالت ريم تو الناس ياحصه باقي كثير


وبدت حرارت النار تسيل مكياجي وتوسخ الفستان وكنت اعاني من التعب الشديد


وفجأه علقت النار بإيديني وبديت اصارخ واصارخ


مثل ماشفتوني .. وانا خايفه خايفه ياشيخ


قال الشيخ استغفري ربك يابنتي وقومي توضئي وصلي ركعتين وان شاءالله خير


_______


اختها حست ان فيه شي هالحلم ومن الصبح ارسلت ايميل ع احد مفسرين الاحلام


وحلفته بالله انه يفسره لها بخيره وشره للضروره


وبعد فتره ارسل لها المفسر وقال خلي اختك هي اللي تروي لي ع التلفون


كلمته حصه وروت له اللي شافته وسألها عن شو اللي تسويه وقالت له كل شي عنها


قال لها فيه شي انتي تخفينه او تسوينه بالخفاء شنو هو ياحصه


قالت فيه شي ياشيخ انا اسويه في احد المنتديات وبصراحه كانت وحده من صديقاتي


دايما تنصحني منه بس انا احب هالشغله واحس اني ماهره فيها


قال الشيخ شنو هالشغله


قالت انا مشرفه ع قسم بأحد المواقع وهالقسم يختص بتلبية طلبات الاعضاء


الخاصه بالاغاني وكنت ابدع فيه احول لهم الصيغ واسوي لهم مقاطع ومكسات وسوالف كثيرهـ


قاطعها الشيخ وقالت استغفري وتوبي هذا كان تنبيه من الله لكي بنتي


الكيكه كانت عملك الغير صالح والقطع اللي ارهقتك هي توزيعك بالذنب المشترك مع من


قطعتي لهم هالمقاطع وشجعتيهم عليه واسعدتيهم في توفيره لهم وطول الطوابير وتجدد الكيكه


هو الذنب الجاري وكبره

فـ شوفي كم شخص اعطيتيه طلبه وكم شخص سمعه معه وكم شخص


نقله من منتداك الى منتدياتهم وكل هذا بسببك انتي


تقول حصه انهرت وقلت شسوي ياشيخ قال توبي لله توبه نصوحه وتبرئي عن كل
مافعلتيه بهذه المنتديات


خصوصا مايخص الاغاني والمنكرات واسأل الله لي ولك الثبات
وتوبي ياحصه توبي لانك ماتدرين متى الله ياخذ امانته والله يحسن خاتمتنا جميعا
ولاتنسين يبعث المرء على مامات عليه ياحصه
يبعث المرء على مامات عليه ياحصه


___________


طبعا حصه الحين تابت لكن تعاني من حاله نفسيه سيئه وتعالج
وتأجل زواجها الى اشعار اخر ( وادعوا لها الشفاء مما هي فيه ) وادعوا لها بالثبات


ملاحظه :-


حصه هي ( حصيص ) صديقتي المقربه وريم صديقتنا الاقرب واحب الناس لنا
ودايما تنصحنا لكن الشيطان الملعون لاسيطر ع الواحد


وع فكره الصديقه المقصودهـ اللي اعطتها حصه القطعه واحرقتها ورمتها هي ( انا )


ومن يومها حرمت اشياء كثير ع نفسي وانتوا تعرفوا اصعب جهاد جهاد النفس



انا كتبت لكم قصة صديقتي علشان العبره ولاني حابه الخير لكم
والله يكفينا شر انفسنا والشيطان


واللهم إنا نستغفر ونستهديك ونتوب إليك !!
يا غفار الذنوب ويا ستار العيوب !!
إغفر ذنوبنا وإستر عيوبنا وأدخلنا الجنة يا رب العالمين


الهم اجرنا من النار
اللهم اجرنا من النار
اللهم اجرنا من النار



القصه حقيقيه


للآمانه منقول




الضمير الراجي
نشط
نشط

عدد المساهمات : 116
تاريخ التسجيل : 23/01/2011

الرجوع الى أعلى الصفحة اذهب الى الأسفل

رد: كور من نار؟؟؟

مُساهمة  موفق جمال المطيوري في الجمعة فبراير 18, 2011 12:07 am


_________________
[img]
avatar
موفق جمال المطيوري
المدير
المدير

عدد المساهمات : 148
تاريخ التسجيل : 05/01/2011
العمر : 33
الموقع : moafk_lord1404@hotmail.com

http://mjm1.yoo7.com

الرجوع الى أعلى الصفحة اذهب الى الأسفل

رد: كور من نار؟؟؟

مُساهمة  الضمير الراجي في الجمعة فبراير 18, 2011 6:02 pm

الله يعطيك العافيه على المرور

الضمير الراجي
نشط
نشط

عدد المساهمات : 116
تاريخ التسجيل : 23/01/2011

الرجوع الى أعلى الصفحة اذهب الى الأسفل

كور من نار؟؟؟

مُساهمة  ???? في السبت فبراير 19, 2011 11:02 am

الله يجزلك خير

????
زائر


الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى